Սուրեն Պապիկյանի մեքենան մեծ արագությամբ հարվածել է հանդիպակաց ընթացող մեքենային. 14-ամյա տղայի վիճակը ծանր է
Աննա Անտոնյան Հունիս 17, 2021
Երեկ՝ հունիսի 16-ին, ժամը 15:30-ի սահմաններում Արարատի մարզի Սուրենավան գյուղում, Տարածքային կառավարման նախարար Սուրեն Պապիկյանին սպասարկող «Տոյոտա Լանդ Քրուիզեր» մակնիշի ավտոմեքենան մեծ արագությամբ հարվածել է «ՎԱԶ-2121» մակնիշի ավտոմեքենային, որում գտնված 14-ամյա տղան ծանր վիճակում տեղափոխվել է հիվանդանոց: «Տոյոտա Լանդ Քրուիզերում» գտնվել է Պապիկյանը, սակայն Mediaport-ի՝ ոստիկանության աղբյուրների փոխանցմամբ, խիստ հրահանգ է իջեցել թաքցնել ու հերքել Պապիկյանի մասնակցության փաստը: Նշենք, որ ոստիկաննությունն արդեն իսկ հայտարարություն է տարածել վթարի մասին՝ թաքցնելով Պապիկյանի մասնակցությունը։