Համատարած ազգային ցավի մեջ թեկուզ մեկ երեխայի ժպիտ պատճառելն արդեն իսկ հաղթանակ է․ Արտյոմ Վարդանյան
admin Օգոստոս 12, 2021
Աշխատանքային հիմնական գործունեությունը երկրից դուրս ծավալելը դեռեւս չի նշանակում հեռու լինել պետության առջեւ ծառացած արտաքին եւ ներքին խնդիրներից եւ չմտահոգվել դրանցով։
Արտյոմ Վարդանյանը, ապրելով Ռուսաստանի Դաշնությունում, մշտապես հետաքրքրված է Հայաստանում տեղի ունեցող դեպքերով, իրադարձություններով' իր ունեցած հնարավորությունները ներդնելով տարբեր ոլորտներում' այդ մասին ոչ մի անգամ չբարձրաձայնելով եւ չհանրայնացնելով։ Պատերազմի օրերին նա կանգնած է եղել մի քանի արցախցի ընտանիքների կողքին' աջակցելով եւ օգնելով նրանց հաղթահարել համազգային այդ մեծ կորստի փուլն ու ճգնաժամը։
Համատարած ազգային ցավի մեջ թեկուզ մեկ երեխայի ժպիտ պատճառելն արդեն իսկ հաղթանակ է, նա ընտրել է հաղթելու այդ ճանապարհը եւ ապագայում էլ հետ չի կանգնելու, շարունակելու է հնարավոր բոլոր պարագաներում լինել հայրենակիցների կողքին' միասին անցնելու այս ընթացքը։