Ձերբակալվել են «Երևանի աղբահանություն և սանիտարական մաքրում» հիմնարկի տնօրենն ու տեղակալը
admin Փետրվար 09, 2022
Հակակոռուպցիոն կոմիտեից հայտնում են, որ նրանք մեղադրվում են ավելի քան 17 մլն դրամ հափշտակելու մեջ։
Ձերբակալվել են Երևանի քաղաքապետարանի «Երևանի աղբահանություն և սանիտարական մաքրում» համայնքային հիմնարկի տնօրեն Արմեն Գրիգորյանն ու նրա տեղակալ Կարեն Թորոսյանը: Տեղեկությունը հայտնեցին Հակակոռուպցիոն կոմիտեից։
Նրանք մեղադրվում են ավելի քան 17 մլն դրամ հափշտակելու, պաշտոնեական կեղծիք կատարելու և պաշտոնեական լիազորություններն անցնելու մեջ։
Կոմիտեից հայտնեցին, որ քիչ անց ավելի մանրամասն հաղորդագրությամբ հանդես կգան։